Da prufondu à le mio vene
U mio core ne suvene
Ere tuttu è ancu à pena
U rispiru di a mio lena
Ere l´altra manu tesa

Quandu a vita punghje è pesa

Oghje sempre sì tù
Di issu celu ch´è mi sunniava
Ogni ghjornu di più
Un amore chi ricuminciava

E dumane dinù
In core meiu ci sarai tù
Cum´è un sole quassù
Cum´è un sole chi si chjina più
E dumane dinù
In core meiu ci sarai tù

Pè adulcì le mio pene
Apre l´ale di l´avvene
Ere surella ancu à pena
L´altru gestu chì sumena

Feminile lu to crede
L´aqua chjara di a mio sete

Oghje sempre sì tù
Di issu celu ch´è mi sunniava
Ogni ghjornu di più
Un amore chi ricuminciava

E dumane dinù
In core meiu ci sarai tù
Cum´è un sole quassù
Cum´è un sole chi si chjina più
E dumane dinù
In core meiu ci sarai tù