Canteremu sta sera per a squadra turchina,
Reduceremu inseme l´avversità in pulvina,
O capi d´Auropa è di Francia vicina
D´Orlanducci è di Papi, eccu a figliulina.

Quale hè ch´ùn hà sunniatu d´issa tamanta gioia
Purtà li to culori saria grande gloria ;
Adduniti sta sera, si scrive la to storia,
Millaie qui seremu per brammà la vittoria.

Forza Turchini, forza Bastia
Ti seguita u mio core induve chè tu sia
Forza Bastia

Brusgia lu nostru sangue d´issu tamantu focu
Chi ci hà guidatu qui, tutti in lu listessu locu,
Saetta è tempurale impurtaremu pocu,
Un ti scurdà quantunque di dacci bellu ghjocu.

Forza Turchini, forza Bastia
Ti seguita u mio core induve chè tu sia

Forza Bastia

Ch´ellu nasci ´ssu mughju da noi u più prufondu,
Caccia puru ´ssu pezzu di coghju tuttu tondu
A Corsica ti guarda, s´infiara lu circondu,
Chi Furiani sta sera hà da stunà lu mondu.

Forza Turchini, forza Bastia
Ti seguita u mio core induve chè tu sia
Forza Bastia