Sta sera lu vogliu d´amore
U versu chì mi nasce in pettu
È ingranda sta sera lu fiore
Chì sé da quand´hè ch´eo n´aspettu

Cun ellu ma quant´eo vurria
Rinchede li cori una cria
Rinchede li cori una cria

Sta sera lu facciu più bellu
U cantu chì m´apre la gola
È s´apre sta sera un purtellu
A notte ùn ti lescia più sola
Cun ellu ma quant´eo vurria
Fé luce li ghjorni una cria
Fé luce li ghjorni una cria

Sta sera s´impanna di goia
A voce chì ti vole fé festa
Chì vene sin´é in casa toia
È ad ogni core s´aresta

Cun ella ma quant´eo vurria

Imbellisce le stonde una cria
Imbellisce le stonde una cria