Yemmekta-d wul-iw ayen akk iεeddan
Iεemmer nnejm-iw ɣef tayri-w yefnan

Ah ya leḥbab-iw d acu d iyi-d-yeggran
Γas yurad yixef-iw leεyub fell-i ɣman

Ala alala ǧǧet-t ad idewwer
Igirru n lkif yes-s ad nesher

Ireggel yiḍes yegguma ad d-yejbu
Yenɣa-yi uduqes yerwi-yi beṭṭu

Ul, taεzizt-ines amek ara tt-yettu
Yettaf amwanes di ciṭ igirru

Ala alala ǧǧet-t ad idewwer
Igirru n lkif yes-s ad nesher

Ur d-teqqim temẓi-w lǧehd-iw yekfa
Ǧǧiɣ nnif-iw yettnusu i nnda

Gar tezyiwin-iw ur heddreɣ ara
Ma yecceḍ-d yiles-iw ad teqwu teḍsa

Ala alala ǧǧet-t ad idewwer
Igirru n lkif yes-s ad nesher

Imeṭṭawen kfan lemḥayen rnant-d
Tiregwa n wurfan ɣur-i nneflent-d

Ihessek-iyi zzman yerwel fell-i lǧehd
Ccmata yellan deg-i irgem-d

Ala alala ǧǧet-t ad idewwer
Igirru n lkif yes-s ad nesher

Ah ya leεtab-iw udem-iw yessewḥac
Ccbaḥa n temẓi-w tεedda deg uqerdac

Σemmdeɣ ɣef yisem-iw yumes di Leεrac
A tawaɣit-iw ad iyi-regmen warrac